Deg ijjen ddcar d ameẓẓyan, deg yeẓẓelmeḍ n Zimbabwi, ttuɣa din ijj n uḥenjir isem-nnes Tinutinda, ɣar-s tmenya n iseggusa. Netta ittexs ṭṭabiɛet d lewḥuc, lebda ittesla ɣer tḥuja i das-yettɛawad baba-s ameqqran x taganin d tudert n lexla.
Ijj n wass, Tinutinda ixarres ad iraḥ ad iẓer min das-dd-innḍen i ddcar-nnes. Maca ila wer issin ca belli aɣamer-nnes ad t-tawi ɣer laggʷaj, al ami yiweḍ ɣar Matusaduna, raqq mani ttkunen wayraden d yelwan d imudar-nniḍen.
Llilet Tamezwarut: Tazmert jar Uzehhar
Alami i dd-tusa llilet, yufa Tinutinda ixef-nnes weḥd-s x ijj n waddar n tesḍart tuɛla, mani azehhar n wayraden issenhezza ajenna i das-dd-innḍen. Maca iɛqel x uwessi n jeddi-s:
“War tteggʷed, wer tterjiji, qqim theddned, ṭṭabiɛet ad tedwel d tameddukelt-nnec”
Issmun ca n tseḍwin ḥima ad dag-sent innuffer, yegga ad iṭṭes sadu itran.
Macca n taganin d tiɣist-nnes n tudert
Tiwecca-nnes, yuca Tinutinda s laẓ d fad. Ibda irezzu x macca, ifekker-d markat n i lxuḍert i yellan di tagant i ttuɣa ilemd zi ḥennis. Amen iggur, yufa ijj n frutta d tameẓẓyant d tamiẓiḍt. Iɣza s yijj n ukeccuḍ d ameẓyan di tisi i yuẓɣen n isaffen ḥima ad yaf aman.
Inna i yixef nnes s uɛeffer:
“Necc d mmi-s n tagant, ad qqimeɣ beddeɣ”.
Imeddukal n Lexlawat
Di rebɛa n wussan i isseɛdu di lɣabet, iẓra Tinutinda ilwan zi laggʷaj ɛeddun di lehna, am mamek yebreq ijj n tḥimmart n yeɣyal n lexla. Ttuɣa issen belli imudar wer t-ttḍarrin ca mala wer x-asen inɛedd ca.
Di ijjen llilet, iẓra zi laggʷaj itran ttissiqen, inna i yixef-nnes:
“Ili yemma d baba xezzren luxa deg ujenna. Ad ɣer-sen dewleɣ deɣya”.
Amelqi i ttuɣa yettraja
Deg wass wis xemsa, amen ittesla Tinutinda i tmijja n ṭṭabiɛet, isla i zzhir n ijjen ṭṭumubin tettased-dd. Ibda ittazzel s min yeɛlem d jjehd ɣer zzhir-nni, ilaɣa ar mani i yebbuybeḥ:
“Aqa-yi da! Aqa-yi da!”
Ɣer-s sseɛd!, ẓrin-t iɛessasen n lɣabet, uzzlen ɣar-s. Ttuɣa yuḥel maca ifreḥ aṭṭas umi iɛqeb ɣer laman n ddcar-nnsen.
Aḥenjir ameɣnas
Alami i dd-iɛqeb Tinutinda ɣar ddcar-nnes, marra wtin-as tacerrift. Idwel d ijj n umeɣnas d ameẓẓyan, lemden marra zi teryazt-nnes d tiɣist-nnes ḥuma ad yeqqim ibedd deg wudem n tɛenkraf.
Inna Tinutinda amen isbissim :
“Xmi i ɣa dewleɣ ɣar temzgida, ad ten-xebbareɣ s min ggiɣ amenni”
Ammu, idwel Tinutinda d ameknaw n teryazt d ssbar, lemden marra belli ṭṭabiɛet tzemmar ad teɛqeb d tameddukelt d tameqqrant maca mala nweqqer-itt.