16.1 C
Nador
Letnayen 4 Mars 2024

Uma-s n Donald Trump yemmut

PHOTO DIANE BONDARESS, ARCHIVES ASSOCIATED PRESS
Robert Trump x uẓelmaḍ, aked uma-s Donald Trump, aseggʷas n 1999.

Le Rifain

Yenna arayes n Umarikan Donald Trump belli uma-s ameẓẓyan yemmut ass n ssebt x 72 n iseggʷusa. Tus-dd tmettant-nnes zegga i yudef ɣer yijjen spiṭar di New York, awarn i umi i t yelqef ijjen lehlak wer kid-s tt-yecci ddwa.

Yenna Donald Trum: “S wul ixeyyeq, qqareɣ aqa uma asebḥan Robert yemmut s sskat ɣer tmeddit-a”, yerni yenna: “wer t-ttuɣi bu d uma waha, ttuɣa-t am umeddukkel-inu i xafi iɛizzen aṭṭas”.

Isiɣi Trump yenna: “a neẓẓuyet Robert, maca ɛad a nemsagar zi jjdid, ad teqqimed teddred deg wul-inu i lebda. Ttexseɣ-cekk a Robert. Ad teẓẓled deg wefra”.

Robert ttuɣa yudef ɣer spiṭar di New York. Yeffeɣ-dd lexber belli ileqf-it ca n lehlak yeqseḥ, maca wer yessin ḥedd mamek yegga lehlak-a.

Ivanka Trump, Yelli-s n Donald Trump, tura deg yijjen tzemmemt di twitter: “Ɛzizi Robert, nettexs-ic, aqqa-cekk deg wul-nneɣ. Taẓallit-nneɣ akid-k i lebda”.

Uma-s Eric Trump yura: “Tawacunt merra ad teẓẓuyet Robert Trump. ttɣa-t d ijjen wergaz d asebḥan aṭṭas. merra inni i kid-s yemsagaren ttakan s manaya”.

Timaynutin

Fser-itt