Ass-nni n lexmis 27 yunyu, iberreḥ-d Google s tmerniwt n tutlayt tamaziɣt ɣer tutlayin n usturjem n tmacint yellan, rni ɣer uya 110 n tutlayin timaynutin.
Ccarika-ya tessidef-d tutlayt tamaziɣt di tnafut n usuɣel ɣer « Google », s usekkil n « Tifinagh » am mamec i d-tessidef s usekkil n Tlatinit.
Ttwalan aṭṭas n yimeɣnasen umi icqa iger n tmaziɣt ila asidef n tmaziɣt di llista n tutlayin i yellan deg usuɣel s tmacinin d errbeḥ i tutlayt tayemmat deg wennar n usnulfu (digitalisation).
Ufin imeɣnasen-a ɛawed, deg wawal-nnsen i yennan x Facebook, belli d asurif iɛelmen azal i ɣa yesjehden tutlayt tamaziɣt yerni ad yessehwen afham n yiḍrisen d tɣawsiwin i yellan di tutlayt-a.
Rnin-d isugam-nni ila min tegga Google d asurif s ccenɛet d ameqqran , i zi ɣa testafed tutlayt tamaziɣt, yerna-d win ay d-yesmektayen s tɣawla tudert n tutlayt-a d tezmert n uɛeddi-nnes.
Nnan-d ɛawed ila aswir-a ad yejj tutlayt tamaziɣt ad tennurẓem x tutlayin n umaḍal, ɛawed ad tili tazmert n ulmad-nnes d ussifses n wemsawaḍ zzag-s.