Nnaḍur (Tifray) – Mmernin-d ɣer yiger n tsekla Tarifit tlata n idlisen d imaynuten, amezwaru-nnsen d wungal wis tlata i d-tura Samira Lmerraqi (i yettwassnen s ‘Samira yedjis idurar n Arrif’) umi i tegga azwel “tanfust n tudart”.
Amek yettwassen, ungal amezwaru i d-tessufeɣ qqaren-as “Taslit n weẓru” (2001), zi senni tessufeɣ-d “imeṭṭawen n tayri” (2022).
Tettwaḥsab Samira Lmerraqi d tamarit Tarifit weḥḥed-s i yettarin ungal, s tlata-ya n wungalen i teɛlem. Tedwel zeg imariten i d-issufɣen aṭṭas deg wungal am Muḥemmed Buzeggu d Muḥemmed Caca d inniḍen.
Tifray, tiweḍ ad tessen belli adlis-a ameggaru n Samira Lmerraqi, immers di ca n lmektabat, i inn ixsen ad t-sɣen.
Tnayen n idlisen-nniḍen n Wezlawi Saɛid Lɛebbuti, mmi-s n Tfersit, i yella issufeɣ-d idlisen-nnes imezwura awerni i waṭṭas n uraji. Minzi Saɛid Lɛebbuti netta zeg iwdan i yebdan tira n usefru aṭṭas zi mani.
Adlis amezwaru-nnes yegga-as “Tisegnaf n ujenna”, mani wenni wis tnayen yegga-as d “Taɣuyyit n Tallest”
X facebook-nnes yenna Saɛid Lɛebbuti ila “Di ladas ad ilin jar ifassen-nwem/nkent. Awaren-asen ad ttwafsaren 12 nnedeni i yellan s yisem n tefsarin n Umaster n Tsekla d tussna timaziɣin di tesdawit n Nnadur. Tnayen-a n wammuden wejden ad ffɣen d imezwura deg wussan-a.“