Tibratin:
Tenna takadimit tamaziɣt di Frankfurt (Amazigh Akademie e.V.) deg usit-nnes belli ass n 19 yennayer ad tegg ficta n useggʷas amaynu di temdint n Frankfurt.
Ficta-ya a deg-s ilint tiḥuja yessawalen x yennayer, ad ttwaɛawdent am ca n tmezgunin. manaya i i tizwar tegga-t takadimit tamaziɣt ass n 20 dujenbir zeg uyur-a. Tɛawed deg tiḥuja n zik.
I twalat tamezwarut ad teḥḍar tmeɣnujt tarifit Lina Charif di temdint n Frankfurt, ad tɣennej i inewjiwen n takadimit tamaziɣt, akid-sen temsawaḍ. Mamec ɣa iɣennej la d ameɣnuj arifi Amine Dio, Amine Dio itteɛjib i imaziɣen n Frankfurt aṭṭas, manayenni i neẓra di ficta tamezwarut n takademit, d tenni i yeɛdun.
Takadimit tamaziɣt tegga adaf s 15 Euro, maca tiḥenjirin d iḥenjiren swadday i 18 n iseggusa ad adfen bla tawriqt.
Tiwriqin n useggʷas amaynu ttmenzant Online waha, wenni i yexsen ad iqess tawriqt i Yennayer n Frankfurt, ad yadef da: Tickets
