19.1 C
Nador
Letnayen 17 Febrayer 2025

Mamec i ken ɣa tɛawen tecli deg usenqes n tadunt?

Ticli kul ass d tasebḥant i tzemmar n bnadem. Minzi issaggʷaj aṭṭas n lehlakat, am ssekkʷar, aṭansyu, d lehlakat n wul d iẓuran. Mamec nettat ticli, tesseqsiḥ asistim n tiqqilt (système immunitaire), ittejja ufuẓ yesbeḥ, itterra bnadem x lemzaj-nnes. Maca mala texsed ad tsgeɛɛded zi tzemmar n arrimet-nnec ixess-ic ad tḍefred tifawin-a ḥuma ad trenyed zi tsebḥanin n tecli d min ittic i seḥḥet n bnadem, manaya yus-d di tesɣunt n “Focus” Talimant.

Beddel zi tazzla n tecli

Wa d abeddel i d-ittbanen nurmal, maca qa ɣer-s lhimmet-nnes. Beddel tazzla n tecli zi twalat ɣer tenniḍen amen tegguren, maci aqqa teskemmaḍed ikaluriten waha, maca tetticed i yexf-nnec ɣana ɣer macca.

Min ixessen ad tegged, ad ternyed zi tazzla n tecli, ad tt-tesdeqled i twalat-nniḍen. Mala ttuɣa tettslid i musika amen teggured, ataf ijjen uɣennij ugur dag-s mliḥ, wenniḍen ssedqel zi tecli, uca raḥ x-as amenni. Manaya izemmer ac-iɛawen ḥuma ad trenyed di tazzla.

Ugur x ixfawen n tfednin

Mala tessned mliḥ mamec i ɣa tegged ad trenyed di tazzla, tzemmred ad trenyed ad tugured x tfednin zi twalat ɣer tenniden. Awerni ca n isuraf waha ad tacid s jjehd deg iḍaren. tzemmred ad tcedded tiksumin n tdyinit, ad testrinared tadyinit d iḍaren. Xelli, deg umezwaru, ataf yessaḥal, maca atrinar-a yessbeḥ, ittejja ticli am ijjen tseddiyt d tamunant i yemsasan.

Ugur s tindeffart

Imken ad d-yas ca n ddegg mala teggured s tindeffart. Maca mala tbeddled amnid n tazzla manaya ɣer-s aṭṭas n tsebḥanin. Ufin imerzuten belli tecli ɣer deffer izemmer ad yeɛdel anhezzi ɣer iḥenjiren d imawaḍ.

Inni innumɣaren i yegguren s tindeffart lebda wer weṭṭin ca. Mala teggured lebda s tindeffert ataf ad teggured d cek teṭṭfed ixef-nnec. Deg umezwaru, tzemmred ad tegged atrinar-a aked ḥedd nniḍen maḥend wer tweṭṭid. Niɣ ad teqqimed txezzred s tindeffart amen teggured amenni.

Tala: Dw.

Timaynutin

Fser-itt