Le Rifain
Bdant Lemtiḥanat n tbakalurit di Ddzayer. Aseɛdu aseggʷas-a yemsebḍa x mamek i ttuɣa sɛeddun qbel. Minzi, yeddakkʷal manaya ɣer lebbla n kuruna i yemfeccaren di Ddzayer am waṭṭas n tmura n umaḍal, d isuraf i tegga lḥukuma ḥuma ad tẓeyyer x yinni ittnaqalen niɣ inni i dd-yessufuɣen lemtiḥan.
Ass n 8 cutanbir, teḥkem lmeḥkama s yijjen useggʷas n lḥebs, d 100 alef n idinaren n mulṭa. Manaya awarn i umi yefser ijjen twarrit x lemtiḥan n taɛrabt di facebook.
Dinni imeḥḍaren nneɣni aqqa-ten tteggen akid-sen lankiṭ.
Lqanun n yezmer ad yessiweḍ al tlata n iseggʷusa n lḥebs i merra wenni ɣa ifesren ca n twarrit x lemtiḥan qbel niɣ xmi i ttilin imeḥḍaren sɛeddun.
Di lemtiḥan n 2020 i di cerken kter zi 360 alef n imeḥḍaren di Ddzayer, ufin belli arizu n intirnit yenqes, amen tiracciwin n wemsawaḍ anamun am facebook d twitter nqeḍɛent.
Tala: Euronews