Le Rifain
Ayenni ma yiweḍ umeqqran n lwuzara n tmurt n Briṭanya Boris Johnson ḥuma ad yeɛqeb ɣer ubelleɛ zi jjdid, Bac ad ibedd deg wudem n Kuruna awarn i umi ɛdun melyun i yelqef ubirus.
Mamek i dd-yusa di BBC, abelleɛ ad yili x ca n tḥuna i wer itthimmin ca, d imukan n ufewwej, ad bellɛen char yekmel. Maca tɣuri di sekwilat d tseddawitin d isinagen wer tettbeddi ca.
Boris Johnson, ad yegg ijjen wemsagar a deg-s yessiwel aked isaḥafiyen, a deg-s yezzelz taɛejjajt x isuraf i di ɣa tugur lḥukuma deg ubelleɛ-a. A kid-s yeḥḍar Chris Whitty i yellan d ameqqran n sseḥḥet di tmurt n Briṭanya, aked uɣezdis n Patrick Vallance i yellan d imcawar n lḥukuma di tmeslayin timassanin.