Mmeksen-as i ijjen uḥenjir qqaren-as “Cahid” iḍaren-nnes. Iqqers-d uḥenjir-a zi Qasita, ila ixes ad yeẓwa ɣer Uruppa n uɣelluy x webrid n Turkiya.
Aḥenjir, ila ixes ad yeẓwa s tnuffra ɣer Uruppa n uɣelluy x webrid n Turkiya. Zegga i d-yewweḍ ɣer Sirbiya, mmeksen-as din iḍaren-as x ufus n ljic Asirbi. Luxa aqqa-t immenḍer deg ijjen spiṭar, wer yessin min ɣa yegg.
Imeddukal-nneɣ di Nadorcity, ila msawaḍen akid-s mani i dasen-yenna ila “ixes ad yeẓwa ɣer ujemmaḍ-in ḥuma ad ibeddel tudert-nnes, xenni ila ixes ad yeẓwa ɣer uruppa n uɣelluy x webrid tmura n ubelkan, maca ccwarti-nnes yejj-it ad din ibedd”.
Deg wemsawaḍ-nnes lebda, inna ila “yemsar-as ddenf x ufus n ljic asirbi, ar ami i das-kksen iḍaren, zi senni d netta aqqa-t di spiṭar.”
Cahid, yettlaɣa timesmunin deg uruppa, ḥuma ad t-ɛwnent maḥend ad yeggenfa.
Karim Bouzariouh, amɣar n tmurgant n Isuraf di Qasita yenna deg wawal-nnes x trajidiya-ya i yemsaren i Cahid: “tawmat Cahid, ssneɣ-t zeg wami yekka d aḥenjir, izemmer ad yeɣleb merra imxumbal-nnes. Maca ssitimeɣ s tidett ad as-newwec fus, ad t-nɛawen…”
Yeqqar ɛawed “Cahid, yettlaɣa midden, ataɣ ad t-ssidfen ɣer uruppa, maḥend ad yaf tudert ilaqen. Waxxa s weɛḍar-nni i das-ggin Isirbiyen.”
