Ittas-d wemsagar-a x tsekla d tutlayt Tamaziɣt” am ijj usurif d ameqqran di tnekri s Tmaziɣt, am ijj n tutlayt a tedder, a teggur aked llweqt, tzemmer a tessiwel x merra iɣezdisa n tudert d usenflul.
Amsegraw-a ad yili s wezwel n “A nedder s tutlayt-nneɣ” ad issers tutlayt deg wammas n tilit takuyast d tdelsant, ad ismun ikadimiyen, imariten, d yenn ixeddmen deg yiger n tmesmunin di Lmuɣrib d berra-nnes, maḥend ad yili wawal x ca n tɣawsiwin tettemsagar day-s tesnilest aked tsekla d tetiknulujit.
Mamek i ɣa yessreɣ tifawin x usegmi n tutlayt d tsekla tamaziɣt x unhezzi n wefsar aseklan d lxedmet i tteggent tmesmunt deg yiger-a, aseqsi n uselmed, d usidef n Tmaziɣt deg imassen n AI, aked uɣezdis n usuɣel d tira.
Ittxes wemsagar-a ad yaweḍ ɣer usebɣi n Tira, afekki n imxumbal i yellan zzat i imariten, d usidef n Tmaziɣt di Tetikunulujit tamaynut.
Amek yettwassen, ad yebda wemsagar-a zeg wass n 9 zi yulyuz ad isala ar wass n 12, di temdint n Nnaḍur deg uṭil n Nnaxil.