Sswilen aṭṭas n iɣemmisen x tmesɣiwt n ujellid n Lmuɣrib i ijjen leqser di Paris. Ajurnal n lefigaro, yenna belli leqser-a i ttuɣa yeɛlem ijjen Usaεudi, iseɣ-it x-as ajellid Muḥemmed wis setta. D manaya i yufa lefigaro, zegga iraḥ ɣer ijjen xinsiya n tudrin di Paris, tufa belli leqser-nni tuɣa iɛelm-it Xalid Ben sulṭan Ben Ɛebdelεaziz Al Saεud. Zeg useggʷas n 1988. Leqser-a wanita ittwabna di 1912, mamec dag-s ca n 1600 mʷ. Ajurnal-a, yenna belli leqser-a ttuɣa immers i tmenziwt aṭṭas zi mani, maca la d ijjen izɛem x-as. Minzi yeɣla aṭṭas.
Ccaraka n “DSCI Deschanel” ig illan n uejllid, d nettat ig isɣin lqeser-a Aparizi. Asinyi n kunṭra-nnes tuɣa deg umeggaru n cher n sebɛa, di beddu n ɣuct, tuɣa yedwel-nnes. Ijurnalen nnan belli ajellid isɣa leqser-a s 80 melyun n yurut, maca kkren-d ca n ijurnalen nniḍen nnan izemmer ad yili kter zi manaya.