Deg wass n tmenya Kṭuber i yeɛdan, ijjen twacunt zi Arrif, snejmen-tt ipulisen n yill Ispunya di lebḥer. Ispunya snejmen ca n 18 n Irifiyen. Beḥḥren-d zi Arrif ɣer Spanya. Ina sxedmen tnayen n tɣarruba d timeẓẓyanin. Alaḥsab mayen d-nnan ca n ijurnalen, belli Ispunya snejmen-d ca n 88 x tmewwa n lebḥer Aspanyu. Ina merra beḥḥren-d zi Arrif. Awerni i lḥirak n Arrif, aṭṭas n Irifiyen qeḍɛen layas zi Lmuɣrib, wer qqimen xsen ad ddren da. Abelleɛ n igmiren aked Mritc la d netta ijja aṭṭas n iwdan ad rzun x uleqquz n weɣrum-nnsen di Spanya. Lmuɣrib deg ussan-a ittedder ijjen krisis d tameqqrant. Aberru n yiwdan ttexsen s minzi mma ad ffɣen Lmuɣrib, mayen yejjin tiɣarruba n llilet ayenni wwḍent ttefɣent zi lebḥurat n Arrif.