D tawaɣit nican i yemsaren deg ussan-a i yeɛdan di teqbilt n Ayt Ciker mani inneqleb ijjen ufantum di lebḥer. Fantum-a, i icuqqen lebḥer deg ijjen uklima d aɛeffan, mani ttuɣa asemmiḍ s waṭṭas d tesfay ttuɣa uɛlant aṭṭas.
Ɛlaḥsab isugam-nneɣ deg Ayt Ciker, aɣerrabu-nni ila dag-s xemsin n midden, lebḥer inḍer-d tesɛa n yewdan i yettwaṭṭfen ɣer ijadarmiyen ḥuma akid-sen ggen ijjen lankiṭ. Mamec i d-yenḍer tmenya n Irifiyen, mmuten, zzag-sen ijjen tḥenjirt zi Miḍar (W.Z) i ttuɣa yellan d tameḥḍart di tɣiwant n Selwan.
Ar lux, ɛad wer nessin ca nican cḥal i iweḍḍren di lebḥer. Ar da ɛad nettraja ineɣmisen-nniḍen deg yiger-a.
Tenna AMDH Nador x leḥsab-nnes deg uplatfurm n X ila “Ayt Ciker yettɣima deg ijjen wemkan n ayt ttrafik i yettettren 11 000 Euros zeg iḥerragen maḥend ad ten-sḥergen, xelli din lmexzen yeḥḍer s waṭṭas”.
Amek yettwassen ila iseggusa imeggura di Arrif yeẓra ijjen tesfift d tameqqrant n usetleɛ s merra tibriden i yellan. Mayen yellan d ikunumi ittirar ijjen tilalt d tameqqrant deg uɛerni n midden ɣer tɣerruba n llilet.