Tnayen n idlisen d imayna s Tmaziɣt, yeggur a x-asen ibedd wammas n trezzutin timaziɣin. Adlis amezwaru d ijjen tmezgunt umi qqaren “abrid ɣer ujenna” i yura Muḥemmed Benyusef.
Ḥaca adlis wis tnayen n Ɛebdelxaleq Lḥejjiwi, mani ixdem x ca n yeḍrisen i yura umari Alubnani Jibran Xalil Jibran umi i yegga i uwezwel “Leɣlayeg”.
Tnayen-a n idlisenn ttwaḥsaben s ijjen tmerniwt s lhimmet-nnes di ssuq n tsekla tarifit, s usuɣel i yebdan ittnhezza deg iseggusa imeggura d umezgun mani bdan idlisen-nnsen ttbanen-d ula d nitni.
Zeg ijjen uɣezdis-nniḍen, a d-neydar ila ammas n trezzutin timaziɣin, ibedd x wefsar n ca n idlisen-nniḍen s Teɛrabt di min iqqnen ɣer tsekla tarifit d tsenilest tamaziɣt.
Deg yiger-a, yeggur ad isinya di min yudsen, Muḥemmed Benyusef, adlis-nnes n umezgun “abrid ɣer ujenna” di Nnaḍur, deg ijjen umelqi n tsekla.
