25.1 C
Nador
Lḥed 23 Yunyu 2024

Tmenya n ipilaren n tudert i zi ɣa ternid cwayt n iseggusa di tudert!

Imrezzuten ggin ij n lista n ca n tmegga, i izemmarn ad sneqsent zi tewsar, zemmarent ad smeẓyent rrimet al setta n iseggusa. Timegga-ya, sleqqant la x waṭṭas n waṭṭanen iɛeffanen.

“Wer ittiwi bu lxedmet aṭṭas, maḥend a nedder aṭṭas.“ Ammu ttwalan ca n imussnawen d Imarikaniyyen. Mala neḍfer min umi ggin “Life’s Essential 8“  manaya tefser-it di tmesmunt tamarikant n wul. 

Timeslayin-a ad sselqant zi lehlakat n wul, d waṭansyu, d waṭṭas n lehlakat nniḍen d iɛeffanen. Wi ɣa yeggen “8 n ipilaren n tudert“ min zi ten-t ataf wer ittewsar deɣya!

Timegga-ya ttwalan imrezzuten-a, belli sneqqasent di lmizan, shekkʷant ssekkʷar, ɛeddlent kulistirul d waṭansyu. Amen ttwalan belli iḍes mliḥ, d macca tasebḥant, anhezzi d tikkest x ugirru, rennint di leɛmar, 

Di trezzut i ggin, sseɛdan i 6500 n yewdan, ɣer-s di jjwayeh n 47 n iseggusa, iwdan-a marra, inni yeddren mliḥ, ɣer yella waṭansyu d ssekkʷar mliḥ, wer kemmin, tetten macca tesbeḥ, ufin rrimet-nsen d ṭameẓẓyant s 6 snin x yenneɣni.

Inni ɣer ttuɣa 41 n iseggusa, ufin ɣer-sen 36 n iseggusa di lesnin abyuluj (biological). Inni ila ihelken zeg wul, d ufin rrimet-nsen tujer lesnin-nsen. Ayet 53, ufin-ten ɣer-sen 57 di lesnin abyuluj.

D tina d tmenya n tmeslayin i zi tettwessa tmesmunt atamarikant n wul

  1. Ecc macca d tasebḥant
  2. Nhezz, tegged Spurt
  3. Sbedd girru
  4. Ṭṭes mliḥ
  5. Ejj Lmizan di lqanun
  6. Err taynit i ukulistirul
  7. Err taynit i waṭansyu 
  8. Err taynit i sekkʷar

Timaynutin

Aqelɛi
Aqelɛi
Abdelmajid Akalai

Fser-itt