23.1 C
Nador
Ttlat 28 Mayyu 2024

Tḥajit n wuccen d uyaẓiḍ

Ḥajit majit, seksu d tyaẓiḍt..
Ij n wass, yeɛdu wuccen x yij n uɛelɛul, yexzer deg-s, yenna-s:

– baba-c ttuɣ-t yecna, ɣer-s ij n tmijja wer telli wer texliq ! Ttuɣa xmi ɣa iqeyyeḥ, ad yedden, a dac-yeqqar yexf-nnec sḥess-as waha !
Iɛjeb-as lḥal i uyaẓiḍ, yenna-s:

– ula d necc ɣer-i tmijja tesseɛciq, ssneɣ ad ddneɣ am baba niɣ xir.
Yenna-s wuccen :

– iwa mmel-ayi, ad xemmeɣ ma d tidet trewsed baba-c.
Yeqqen tiṭṭawin uyaziḍ bac ad yedden, uca d wuccen a x-as yeḥret, yeksi-t deg uqemmum.
Amen zeg-s yeggur a t-yesṭurfi, ad iraḥ a t-yecc, lqan-ten-dd deg webrid ca n yiṭan. Lexdenni, ixarres uyaẓiḍ, yenna-s i wuccen :

– mala texsed ad tnejmed, ini-asen aqa ayaẓiḍ-a walli bu n ddcar-nwem.
Amenni nnit, yerẓem aqemmum wuccen ad yessiwel aked yiṭan, d uyaẓiḍ ad yennufsel, yerwel. Yedwel xenni wuccen rid-nnes ad yazzel x uyaẓiḍ, rid-nnes ad yerwel zeg yiṭan. Yexzar mliḥ deg uyaẓiḍ, yenna-s:

– d ta d tiyti n wenni wer itteqqnen aqemmum di lweqt i di t-ixess a t-yeqqen.
Yerra-dd x-as uyaẓiḍ zegga i ibedd x yij n weɣbar arendad nnes:

– seqsa-yi necc, uca a dac-iniɣ ɛad x wenni itteqqnen tiṭṭawin di lweqt i di t-ixess wer tent-itteqqen !

Timaynutin

Ɛebdelwaḥid
Ɛebdelwaḥid
Abdelouahid Hennu

Fser-itt