Deg ijjen ddcar d ameẓẓyan, i yettɛicen di talwit, tus-d deg ijjen tagant d tameẓẓyant, tezdeɣ ict tḥenjirt d tameẓẓyant isem-nnes Nunja. Ɣer-s tmenya n yiseggasen mamek tettwassen sɣer mkul ijjen s lxir-nnes d tmussni-nnes i wer ittnḥeddin. Nunja tettxes ad tessen min d-yunuḍen i ddcar, mamec i das-itteɛjib ad d-taf timeslayin d jjdid kul ass.
Deg ijjen tuffut, umi d-teffeɣ tfukt teggur ɣer tsa n ujenna, tekker-d Nunka s lferḥ ameqqran. Tesla belli din ijjen webrid innuffer i d-yettawin ɣer ijjen tmurt wer ɣer-s ultma-s, mani ceṭṭḥen nnwac, ttɣennajen lḥayawan. Tessujed Nunja ixef-nnes ḥuma ad taf abrid-a, uca textuttel bla lḥess ɣer berra i taddart.
Amec teggur di tagant, ttuɣa tzemmer ad taca aked leɛwin asemmaḍ, tettesla i yejḍaḍ ttɣennajen i d-iqqaren belli qa wa d ijjen beddu yecna n wass. Maca, ijjen cwayt, ijjen waḍu d asemmaḍ issuḍ-d, min yejjin Nunja ad taca s tiggʷdi. Tuca axmi ḥedd i tt-yeḥḍan.
Amsagar umi wer teggi bu leḥsab
Tebda Nunja teggur cwayt cwayt x-as, tegga zzɛamet deg wul-nnes. Ijjen cwatr, ad tsel i ijjen ẓẓga d ameqqran ɣer deffer-nnes. Texzer ɣer deffer-nnes teẓra ijjen tyuya n tiṭṭawin d tizegzawin ittceɛciɛen di tallest. D ijjen wuccen d aɛeffan d ameqqran !
Uccen-nni d ameqqran, s ucenɣuf d anifasi d uglan iqesḥen. Tiṭṭawin-nnes xezzrent di Nunja s ijjen ijjen lxezrat i yeccuren s leqsuḥiyet. Tuca Nunja s wul-nnes axmi yeggur ad d-yeffeɣ zeg yedmaren-nnes, maca ttuɣa tessen ila ixess-ad ad teqqim tessusem.
“Min teɛnid cem?” I d-yesseqsa wuccen s ijjen ṣṣut yexcen.
“Qqaren-ayi Nunja”, terr-d x-as amen tetterjiji. “I cek min teɛnid?”
Inheḍ-d x-as uccen yenna-as-d: “Nec d uccen ameqqran aɛeffan, iggur a cem-ɣezzeɣ luxa”.
Jjehd n tebɣest
Tuca Nunja d ijjen tiggʷdi d tameqqrant, maca tfekker-d tiḥuja i ila das-tettɛawad ḥenna-s x tebɣest. Tessen ila d ta d lweqt i di ɣa tbedd zzat i tiggʷdiwin-nnes.
“Mala tɣezzed ijjen tḥenjirt d tagellint am nec wer cek-itterri ca manaya tjehded”. I das-tenna Nunja i uccen d ijjen ṣṣut iḥerzen. “Targazt n tidett aqqa-tt di ḍḍrafat d uweqqer n inniḍen”.
Ttuɣa uccen wer ittriji ca iwalen iqaden n Nunja. Ula d ijjen ma yezwar yessiwel akid-s ammu. Yezweɣ wudem-nnes s uɛesseb, maca yuca ɛawed s lɛurret di lallaɣ n wul-nnes.
“Hum… Imken ɣer-m lḥeqq, a Nunja”. Ihhemhem. “Imken ixess-ayi ad ssiwleɣ s ḍḍrafat kter”.
Ijjen tiddukla ttuɣa wer tt-ittriji ḥedd.
Nunja qaɛ wer triji ila uccen ad as-yini amenni. Ttuɣa tessen mliḥ ila kul ijjen ixess-as ad as-newwec ijjen tmelda-nnḍen. Tessiɣ fus-nnes ɣer wuccen, ixzer di tfust-nnes s ijjen lxezrat i yessuren s tiggʷdi d lefḍul.
“Awi-d a ncedd awal, a wuccen”. I d-tenna Nunja. “Ac-slemdeɣ mamec i ɣa temsurrufed mliḥ. Cek egg dayi targazt deg wul”.
Ibbeɛkek wuccen ijjen cwayt, zi senni issiɣ-as fus-nnes ula d netta. Ttuɣa yuɣel s tweḥdanit-nnes d mamec isem-nnes itteẓẓu tiggʷdi deg wulawen n imudar-nniḍen.
Aked wussan, dewlen Nunja d wuccen d imeddukal. Qqaren tiḥuja i wayawya, ttiraren jer-asen. Yedwel uccen ittemsurruf mliḥ, mamec telmed Nunja ad tfekker bla tiggʷdi.
Jjehd n ḍḍrafat
Ijjen wass, ttuɣa Nunja d wuccen gguren di tagant, tteslan i imeṭṭawen n ijjen wessḍu. Wami i udsen i ṣṣewt-nni ufin ijjen ussḍu d ameẓẓyan i inneyzmen.
Yeknu wuccen s cwayt-cwayt yeksi-d assḍu-nni s iḍaren-nnes ijehden. Tufa Nunja belli afar-nnes yerreẓ, xenni tfekker-d tḥajit n wejḍiḍ i yerrẓem i das-tɛawed ḥenna-s.
“Ixess-aneɣ ad dag-s nettehlla” I d-tenna Nunja.
Tufa ijjen tkeccuḍt tessxedm-it ameknaw ijjen tejbirt i wafriwen n wejḍiḍ. Uccen, zeg uɣezdis-nnes, ilqeḍ-d tabɣa d fruttat ḥma ad issecc assḍu-nni iḍeɛcen.
Awerni ca n wussan, iggenfa wessḍu-nni, yedwel izemmer ad iḍu zi jjdid. Iqada Nunja d wuccen x ḍḍrafat-nnes d ttahellu-nnsen dag-s.
Errin-d lexbar di dccar!
Dewlen imezdaɣ n ddcar ssnen tḥajit n tiddukla i din jar Nunja d wuccen, mamec i ssnen min ggin i wessḍu-nni amenni. Kulci iɛejb-asen lḥal, ttbehḍen di mamec wuccen-nni aɛeffan idewl d yili d issbeḥ.
Errin zi Nunja d ijjen tḥenjirt i ɣer yella wul d ameqqran maca d tazeɛɛamt ɛawed.
Uccen yufa amkan-nnes aked iwdan n ddcar. Wer qqimen tteggʷden zzag-s luxa, maca ttweqqern-t. Yedwel issen ila qa jjehd n tidett d wenni i d-ittekken zeg wul.