25.1 C
Nador
Lḥed 23 Yunyu 2024

Mayemmi neqqen imuccwen d iṭan di Nnaḍur?

Yessaru-d warhaj i yetteggen i imudar d tmenɣiwt-nnsen di Nnaḍur axeyyeq n ca zeg imeɣnas i yettbeddan aked tseqqar n imudar, ttren zi tenbaḍin d imḍebbren ad salan aked uya.

Aṭṭas n imudar zzag-sen iṭan d imuccwen tteggen-asen arrhaj di ca n baryut di Nnaḍur, ḥuma a ten-nɣen niɣ ad zzag-sen sneqsen.

X yebriden, ttafen yewdan d imsebriden lexbcbet n imudar i ijafen sadu tijarrarin n karrusat, ɛawed umi yewdan wer dag-sen bu wul, wer ssinen mamec ɣa ggen ad msurrufen aked lexliqet-a.

Tenna Nufisa Ben Cemlal, belli “afinumin n tmenɣiwt n imuccwen d iṭan di Nnaḍur yedwel nkessi-as s wemnus zegga ttyarita, xarebbi n midden bla wul, tteggen arrhaj i imudar-a minzi ttseddaɛen-ten amek qqaren niteni”.

Tdettet Cemlal ila “inamuren di Nnaḍur dewlen xeyyqen s ddegg-a tmenɣiwin i yettwalan kul ass, xelli afaqqi s tseqqar n yiliten-a ɣir min ittmernay di traccwin tinamunin, din imeɣnas xeddmen di tmesmunin deg yiger-a”.

Terni tenna : “umi ddewla wer tḍeffer ca inni ineqqen imuda-a la s arrhaj niɣ s unɛeddi x-asen, aya irenni ittic-asen mezri ɛad maḥend ad rnin di tmegga-nnsen tiɛeffanin, ar mani i idwel ɣer yewdan nurmal ad nɣen imudar.”

Zeg uɣezdis-ines, Ɛabdelɛali Rreḥmai, ameqqran n tmesmunt n Benmimun n wayda uday ameɣrabi d kultura n wafra, wer das-iɛjib bu lḥal x tmenɣiwt n (yiṭan, imuccwen, anisiwen, ijḍaḍ, ilfan…) zi ca n yewdan min di wer telli tafgant d uweqqer n yiliten i yeddren i yettwaḥsaben d acwaiḥ zeg ugma, tettegg fus-nnes deg wemyas n twennaḍt i yettejjan iwdan s nnej i tmurt”.

Rreḥmani yeqqar belli yettɣima yestuɛjub zi ca n tmegga am inni i yetteggen arrhaj i imuccweb d yiṭan niɣ tamenɣiwt-nnsen d uqerṭas d uḥebbes-nnsen bla macca d waman d weɛjan x imuccwan d iṭan s ṭṭumubinat.”

Ilaɣa ɣer tmesumun deg uswir anamur, ameḍlan ḥuma ad yili uswizi maḥend ad ittwakkes ufinumin-a ittceyyanen fuṭu n tmurt-nneɣ…”

Yenna Karim Bunu, ijjen umeggay amesmunan di Nnaḍur, deg wawal-nnes i yewda i Hespress, ila “tamenɣiwt n imudar bla ca n lesbab, d ijjen lḥajet min xef ttagin di merra izerfan d idelsanen d tdeyyanin, manaya mala yella qa s minzi bnadem yeffud i idammen”.

Yerni : “Ttwaliɣ ila amun ameddan ixess-as ad yenhezz maḥedn ad ibedd deg wudem n ufinumin-a, ad ssersen izerfan i ɣa yeḍffren inni i yettɛeddan”.

Timaynutin

Fser-itt