Iḍennaḍ n letnin, 13 Yulyuz 2020, ffɣen abarru n yimezdaɣ n Bni Makada di Ṭanja s tmeddit, maḥend ad sɣuyyen x ubelleɛ i dasen-yegga lmexzen. Aṭṭas zeg iḥduriyen d isebbaben ig icerken deg ubeddi n yiḍennaṭ, minzi azgen ameqqran-nnsen, tewweḍ-asen ɣer yiɣes amek qqaren. Zeg iḍennaḍ bedden ṭṭubisat d lkiran x lxedmet, ḥma ad zeyyaren x Kuruna.
Fabrikat n Ṭanja ufin dag-sen aṭṭas n imehrak s kuruna, mayen yejjin ameggaru-ya ad ittwafsar di temdint-a. Tamawast n tdusi teqqar ila Ṭanja weḥḥd-s dag-s 20% n imehrak s kuruna di Lmuɣrib amen yekmel.