Le Rifain
Isug yijjen wegraf n ca n 300 n yemsebriden usin-dd zi sseḥra aɣilin, x sselk n wegmir n Mrič zi jjihet n Baryučinu, xsen ad nejmen ad ḍebbren x yexf-nsen. Manaya yemsar ass-a ɣer setta d wezgen n ssbeḥ. Yemmut yijjen wemsebrid, amen nyezmen waṭṭas, zeg-sen tlata zeg ipulisen iseppunya.
Nejmen 50 ɛdun sselk, udfen ɣer temdint n Mrič, inneɣnit qqimen dinni wer ɛdun ca. Usin-dd dinni yewdan n kruc azeggʷaɣ aseppanyu, bac ad ggen ddwa i yinni i yeɛdunة zi ssenni mmeksin yinni i yenyezmen ɣer spiṭar n Comercal. inneɣnit qqimen di Plaza de toros.
Zi jjihet nneɣni, usin-dd ijadarmiyen mbezzaɛen x wegmir n Mrič, iwyen-dd tlata n lkiran a deg-sen ɛemmren imsebriden i wer yiwiḍen ad adfen ɣer Mrič.