Ggin-d iwdan itterra taynit i tnaturt di Arrif, ca n ttssawar d jjdid n ijjen playa tban-d deg Ibeqquyen. Playa-ya i d-ibanen di jjihet n uɣelluy n usaray anamur n Biyya. Amkan-a qqaren-as “Tara n tazarin”. Ɣer lmersa Ucarqi. Raq-a yudes i ddcar n Waduz, i d-yusin di teqbilt n Ibeqquyen. Amkan-a min ɣer tella iftasen cnin s waṭṭas.
Amek qqaren imezdaɣ, ila ddegg-a n tmeslayin ttwassnent aṭṭas. Xmi ittili aṭṭas n wenẓar, lebḥer ittili wer innehwel ca. Mani playat rennint di ririwet, niɣ ttbanent-id playat d timayna. Ɛawed qqaren ila deg iseggusa i di wer ittili wenẓar, ittnehwal dag-s lebḥar, xenni playat ttneḥsarent, ca zzag-sent ittetti-tent lebḥer. Anẓar ittawi-d akid-s icercuren n ucal ɣer tisi, lebḥer itterra-ten d ijdi, d manaya ittemsaran.
Aterras-a ad iraḥ ad iprufita di playa-ya tamaynut qbel ma ad tweḍḍer!