Abdessamad Zeryouhi
Diskutikat di Fransa ixessa ad belɛen 4 n simanat i dd-yegguren. Rni ɣer-s ad ziyyaren lqanun i yeqqnen ɣrr tkumam di ssekwilat.
D manaya i yenna uwzir amzewaru n Fransa Jean Castex. Aẓiyyar-a ad ggen ḥuma d sneqsen zeg ubirus n corona.
Abeleɛ n ddiskutikat ad yrbda ass n jjemɛa 10 dujembir. Ɛlaḥsab lwizara n usxinctar ca n 1200 n ddiskutikat i ɣa yeccen tikti s lqanun-a n jdid.
Maca lḥukuma Tafransist a kid-sen teswiza ḥuma wer ssazayen.
Lxedmet zi laggʷaj (home office)
Zi lux d tsawent ixessa ra d iḥenjiren imeẓyanen ad teggen tikumam di lemraḥ n ssekwila.
Maca wer ttbeliɛen ca ssekwilat ij n umalas zzat i lkunji n tjarst am mamec ggin di Biljik.
Ɛawed yenna Castex ixessa ccarakat ad sxedment ixeddamen zi taddart mecḥal ma zemmerent. Rni ɣer-s tisineft wis 3 i rezzun ad ggen i waṭṭas n yewdan.
Ifransisen i ɣer yella kṭer zi 65 n iseggʷusa zemmeren ad ggen tisineft-a wis 3 bla assejel.
Tisinaf i imeẓẓyanen
Ra d iḥenjiren d tḥenjirin i ɣer illa jer 5 d 11 n iseggusa zemmern ad ggen tisinaf. Ar lux ja tteggen tisinaf i iḥenjiren i di yella lehlak waha.
Lqanun-a n jjdid wer yewɛar am wrnni i ggin di lmujat yeɛdan. Inna uwzir amezwaru Castex: Rux walli ca d akud n ubelleɛ, lqanunat ixsa ad irin am mamec yella lḥal.
Tala: hln.be/