Ccinwa tufa ij n lmeɛden d jjdid deg Uyur, di dujenbir 2020, yedwel-dd ssenni usarux i din sqaden s 1,7kg n weẓru.
Lux fesren-dd temrezzutin d imrezzuten n usinag n Pikin, min ɣa yewḍen di trezzut-nsen jar waṭṭas n tmeslayin nniḍen, ufin iɛeqqayen d imeẓẓyan n ca lmeɛden wer t-nessin di tmurt ula deg ujenna.
Lmeɛden-a semman-t Changesit-(Y), nnan x-as d lmeɛden n ufusfat maca yegga tubu. D azzdad 10 n twalatin kṭer zeg uẓuṭṭu n ucewwaf. Deg Ahilyum-3-.
Tawafit-a ttwalan-tt Icinwiyen d ij ḥajet temɣar. Ssa ataf ad wcen ddɛen ad sqaden isaruxen nniḍen, maḥend ad rzun x ca nniḍen. Zi 2030 ɣer zzat, ataf a din sqaden ɣer uyur.
