22.1 C
Nador
Ttlat 28 Mayyu 2024

Azlawi Arifi Muḥemmed Ḥenkur i yettwassnen s Lhewwari, yewweḍ leɛfu n Rebbi

Yemmut ass-a wezlawi Amaziɣ Arifi, Muḥemmed Ḥenkur i yettwassnen s yisem n Lhewwari, mmi-s n wezɣenɣan.

Iggur ad yettwamḍel di temḍelt n Leɛsara ɣer ḍḍhur n wass-a wa zzat i ma a x-as ẓallen.

Ilul Muḥemmed Ḥenkur di Leɛsara, aseggʷas n 1930, yemmut x 84 n useggʷas. Wami ila ɣer-s 10 n iseggusa, ittsemma deg useggʷas n 1940, yetleɛ ɣer Dzayer, mani i dinni i yezdeɣ ca n 32 n useggʷas.

Ila yudef din aked tegrawla Tadzayrit, zzay-s i yeksi isem n “Lhewwari”.

Idwel-d zi Dzayer aseggʷas n 1965 maḥend ad yexdem deg wuksan i ca n 23 n useggʷas, ar mani yeṭṭef arritiru deg useggʷas n 1988.

Zi senni yexdem d acifur n ijjen lkar, zi senni d acifur n ṭṭaksi, d ucifur n ijjen ukamyu i ikessin cal, d ta d lxedmet i yegga qbel ma ad isbedd lxedmet qaɛ.

Adlis n Ḥenkur

Yebda yettari s yiles n Teɛrabt amek iɛawed netta di Dzayer, maca idwel ittari s Tmaziɣt, yura x umezruy n Arrif, x wedrar n wuksan d Ɛebdelkrim Lxeṭṭabi d waṭṭas n isental-nniḍen i yemsenḍan.

Zegga ttyarita, yefsar-as-d usinag ageldan n tussna tamaziɣt adlis-nnes i di yesmun tiqessisin-nnes maḥend ad qqiment ttwazemment.

Iwdan i yessen Ḥenkur, qqaren ila netta d ijjen n wergaz d ahimi, d afurji, ittic akud-nnes i umeẓẓyan d umeqqran.

Nettɛezza di Tifray azlawi-ya ameqqran, nettetter-as erreḥmet.

Timaynutin

C.Andic
C.Andic
Chahid Andich

Fser-itt