Ilaɣa Ɛumar Lɛezzuzi, ameqqran n tyemmunt tadelsant d tmunant, wami ila ttharrden x icetn zi tneqqiḍin i d-iydaren di twalat n febrayer 2024, taɣiwant n Nnaḍur, ḥuma ad ggen ismawen d imaziɣen, qqnen s Nnaḍur d umezruy-nnes d Arrif amen yekmel x baryut d izubaq n Nnaḍur.
Zeg uɣezdis-nnes, idettet Lɛezzuzi ila taṭupunumit n Nnaḍur ixess ad twalem aked wagla-nnes d umezruy-nnes d aya i wer yellin di Nnaḍur.
Aṭṭas n yesmawen i yellan di temdint ttwalan-ten imezdaɣ ggin ca n “ddegg”, ameknaw “zabuq n taganin”, “zabuq n idurar”, “zabuq n Nwakcuṭ”, d inniḍen… D aya min xef ssiwlen Inaḍuriyen di social mediya aṭṭas zi mani.
Yerr-d Azeggʷaɣ x manaya, yenna belli taɣiwant n nnaḍur tḍeffer min ittwaggen deg uswir “anamur” d ismawen i yeqqnen ɣer tmaẓunin (capitales) d ugama (nature).
Ijjen zeg inni ixeddmen di tɣiwant, yenna belli mala din ca n issumren (proposition) ataf ad ɣer-sen slen s taynit.
Tala: Nadorcity.