lerifain
Aṭṭas n imeɣnas Irifiyen ittbeddan aked inecraf ipulitiken yellan di leḥbusat n Lmuɣrib, fesren-d aṭṭas n tecliwin i ɣa yilin di ca n tmura zzag-sent Biljik (Bruksil d Antwirpen) d Amesterdam deg Ulanda, mamec i d-nnan tnayen imeɣnas di Spanya deg ijjen ulaɣi-nnsen ila Zefzafi d Uḥemjiq ttren ad tili ijjen tekli di Barsiluna d asedder i wektay n Σimad Lɛettabi i yemmuten di tecli n 21 Yulyuz yettwassnen di Biyya aseggʷas n 2017.
Laṭṭan n Kuruna tuɣa isbedd aṭṭas n inhezziyen i ila xsen ad ggen Irifyen deg Uruppa maḥend ad ttren s tlelli n inecraf Irifiyen, d waṭṭas n tutriwin nniḍen min xef ffɣen Irifiyen deg useggʷas n 2016/2017.