Deg useggas i yeɛdan issufeɣ-d umari Afrnansis, Anas Assanousi ungal-nnes amezwaru umi qqaren le règne des egos.
Assanousi, amara d aḥudri, netta ɛawed d akumidi. Ixleq di Nnaḍur, maca netta yeyma, yemɣer di Paris, tamedint n tsekla d tira. Ungal-a netta i yura issawar dag-s umari x imxumbal n ijjen tseḍma n umezgun. Maca di twalat d icten, ittɛeqqab-d dag-s ḥma ad aneɣ-yerr ɣar Arrif d tussna d umezruy-nnes.
Amara, issruɣa tifawin deg ungal n le règne des egos x ijjen uḥudri zi Paris. Maca netta zi Arrif, zi tiṭṭawin n uḥudri-ya nettwala Arrif d tussna-nnes. Yettwaḥsab adlis wa d amezwari n Assanoussi, i nessitim wer ittili ca d ameggaru. Mamec izemmer bnadem ad itter le règne des egos x Amazon. Aked uya, ad neydar ila din aṭṭas n imariten zi Arrif tteggen amkan-nnsen di tsekla Tawruppit. Ameknaw: Asis Aynan, Racida Lemrabeṭ, Najat Lhacmi d inneɣni.