Terni tasentut n « éditions amazighes » i x-as d-itteffɣen uɣemmis n « Amaḍal Amaziɣ » i yellan ca n ɛicrin iseggusa zeg wami udem n Tmaziɣt ɣer usit-nnes. Zegga i ila ɣer-s udem n Teɛrabt d wenni n Tefransist.
Tenna tasentut-a aqqa twaggit n manaya, yus-d aked wass amaḍlan n yiles n tyemmat ittemqabalen aked wass n 21 Febrayer di mkul aseggas. Aɣemmis n Amaḍal Amaziɣ tuɣa lebda itteg Tmaziɣt deg ijjen niɣ tnayen n isebṭaren-nnes. Mani azgen ameqqran itteffeɣ-d s Teɛrabt. Udem amaynu n Tmaziɣt i yegga « Amaḍal Amaziɣ » yeggur ad yili s usekkil n Tfinaɣ. Ula d « La map .ma» la d nettat ɣer-s ijjen wudem n ineɣmisen s Tmaziɣt s usekkil n Tfinaɣ.