Davos, (TIFRAY) – Iwekked unessixef n Iran Muḥemmed Jawad Ḍarif, ussan-nni i yeɛdun, ila tanbaḍt-nnes tmeyyek x uṭebbeq n lqaɛida i ɣer-s deg warruḍ ameslem di tmurt-nnes “maḥend wer ttemrusint temɣarin adu uɛebbeẓ”.
Zi tegrawla tameslemt aseggʷas n 1979, yedwel uɣil x temɣarin deg Iran ad yerḍent funara deg imukan n berra. Maca aṭṭas idsent luxa, tteffɣent bla zzag-s, zegga temmut Mahsa Amini, d nitenti beddent deg wudem n ijjen weẓru zi ddsas n arripublika tameslemt.
Yewwi Lmewt n tḥudrit-a tayranit, i ttuɣa ittwasbedden minzi wer teyriḍ “arruḍ ameslem” ɣer ijjen tesfift n tmeskanin di cutenbir n 2022.
Yenna Ḍarif, deg ufurum-a n ikunumi amaḍlan di Davos, ila “mala tehwid ɣer Teheran, ad tafed timɣarin wer ddilent ca acewwaf-nnsent. Manaya wer ittqid deg izerfan, maca tanbaḍt tegga ḥma wer tesrusi timɣarin adu uɛebbeẓ”.
Am mamec i d-yessken ɣer unessixef Mesɛud Bezckiyan ila “wer ixeddem bu s izerfan, s teyyiht n unessixef n uberlaman d unessixef n tenbaḍt tazerfant d inniḍen…”.
Iḍfer yenna “neccin aqqa-aneɣ neggur deg webrid iseggmen” amen inɛem ila “manaya wer ittqiddi ca, maca d ijjen usurif deg webrid iqaden”.
Amen nessen ila izerfan n Iran tteggen aṭṭas n imxumbal i tinni i yettagin ad lsent funara, ccaten-tent s ibrusiten, ttawyen-tent ɣer leḥbusat.
Deg ijjen lweqt i yeɛdan, tenna Faṭima Mahajrani, ila asenfar n lqanun-a “yeɛḍel” minzi ca n ixfawen-nnes “zemmren ad ggen aṭṭas n tɛenkraf tinamunin”.