Dewlen aṭṭas n yiftasen di Nnaḍur tteddren ijjen lḥal d aɛeffan qbala. Waxxa dewlen ttwassnen aṭṭas, ttasen-dd ɣer-sen yiwdan manis mma. Maca waxxa amenni, dewlen ccuren s wefraḍ. Abarru n yiwdan, i ɣer-sen dd-ittasen wer ttwiqqiren ca tazdugi n iftasen-a. Amya i yeẓra Lerifain.
Ula d Nadorcity.com, yura-dd ijjen uneqqis n wefraḍ i yellan di Tcarrana. Mani iwdan neṭṭaren ifuraḍ (tizeyyatin n plastik, zzaj…) d manaya ig ittḍarran tawennaḍt n wemkan-a yecnan, ittceyyan la d aẓri-nnes.
Tagrawt n Ayt Cicar, wer teggi walu maḥend ad bedden ad jemεen ifuraḍ ina, niɣ ad ggen ibrusiten i yenni ig ineṭṭaren ifuraḍ x playat bla ma ad weqqren tawennaḍt n ifutas-a yecnin.