![](https://tifray.com/wp-content/aggaj/3e8c56f261.jpg)
Yeggur ad d-issufeɣ umara Amaziɣ Ɛebdelwaḥed Bumiser ijjen udlis d amaynu yegga-as zeg yismawen « Tizelfin n wafaten ». Adlis-a, i yura s usekkil n Tfinaɣ, ismun dag-s aṭṭas n imegraden i yura s Tmaziɣt x ubarru n isental. Mamec adlis-a zeg inni yudrusen i d-yeffɣen s Tmaziɣt bla ma ad ilin x tsekla. Ittxes zzag-s ad issefsi addad asertan d unamun s Tmaziɣt. Ad yili d asurif maḥend Tmaziɣt ad tadef igran nniḍen n uxarres d tmassanin tinefganin. Yettwaḥsab Ɛebdelwaḥed Bumiser zeg imaraten uqlilen ig ittarin s Tmaziɣt. Mamec ifesser deg waṭṭas n iɣemmisen d tesɣunin, aked manaya ixeddem x isuɣal msebḍan.