Yesturjem umerzu deg yiles n Tmaziɣt Maarten Kossmann s twiza aked Khalid Mourigh tnayen n tqessisn d tirifiyin ɣer tlimant, tamezwarut n Lwalid Mimun (Zi řadjaɣ n tmurt) d tenneɣni n Ḥmed Zeyyani (ad ariɣ deg weẓru).
Asturjem-a yus-d deg ijjen udlis n tsekla umi qqaren : “Bis zur Grenze des Schweigens
Gedichte aus sieben Sprachen” (Ar wegmir n ustusem, tiqessisin zi sebɛa n yelsawen) min xef tbedd taddart n wefsar Sahker-media.
Adlis-a wa, day-s ca n 15 n tqessisin i d-ugmen zi sebɛa n yelsawen, aṭṭas zeg yelsawen-a wer ittwissnen ca aṭṭas ɣer Ilimaniyen. Tiqessisin-a tina i di nettaf timuɣliwin n yezlawiyen-a ɣer umaḍal, ttwarint s Trifiyt, talimant, taɛrabt, awal n Mbuku, tukranit, tafransist, talittwanit.
Tiqessin-a mmalent-id wudem n tɣuni n yiles aked tmagit d wesfaḍ-nnes deg ijjen umaḍal ittraḥen ɣer ubeddel aradikali s tazzla.