yura-tt: Ɛebdessamad Zaryuḥi
Tawalat tamzwarut i ɣa tettwaxḍar temdint Tayisrayilit Tel Aviv, d tamdint i yeɣlan qaɛ i lmaɛica. Tamdint-a umi wer yeɛjib ca ad tettwassen s yisem-a, d liɣla i yejjin a deg-s alyen ttamanat n waṭṭas n lehwayej d ssarbisat deg wakud n jjerḥ n corona. Tel Aviv teksi-asent amkan i tneddam i irebḥen aẓẓɣat: Paris, Zürich d Hongkong. EIU (Economist Intelligence Unit) tettegg lista-ya n tnedam i yeɣlan aṭṭas qaɛɛa i lmaɛica/tuddart mkul assegʷas.
Tqiccit n 10 tnedam i yeɣlan aṭṭas qaɛɛa:
1. Tel aviv, Israyil
2. Paris, Fransa
2. Sinɣapur
4. Zurik, Swisra
5. Hongkong, Cinwa
6. New York, Tamunt n Umirikan
7. Genv, Swisra
8. Kupenhagen, Dinimark
9. Los Angeles, Tamunt n Umirikan
10. Usaka, Japon
Ttaman n ɣasulina igeɛɛed
Zeg wazzɣat, Tel Aviv tgeɛɛed 5 n imukan di lista-ya. Manaya imsar minzi ttmenyat n tmurt (rmunt anamur), ccikel, jehdent qibal i dular Amirikani. Ɛawed ra d ‘inflation’, ttamanat yeɣlan n ɣasulina, d ttamanat n macca d marra leḥwayej n taddart i yejjin tudart di temdint-a ad terni di liɣla. Ra d upandimi n corona ttuɣa-t d ssibet deg ubeddel n lista-ya.
“Nzemmer a nettwala ij n tiyti (impact) deg undeks (index) n usseggʷas-a s ugeɛɛed ameqqran n taman n lisans”, i inna Upasana Dutt, arays n trezzut-a. Deg awṭṭas n tmura ttaman n yinirji d macca yuli aṭṭas s imxumbal di tsebabt d ixedammen i yudrusen. Ɛlaḥsab imezrzuten, ttaman amerwassu n ij n litru n lissans yemmerni 21% deg umadal amen yekmel. Wa d lesbab i yejjin taman n tkessit d usiweḍ n sselɛet ad iggaɛɛed aṭṭas. Ra d leḥwayej n uzgenfi, ttabak, d leḥwayej n tazdugi yuli-asen ttaman aṭṭas deg usseggas-a.
Tala: 10 n tindam i yeɣlan aṭṭas qaɛɛa deg umadal: