18.1 C
Nador
Larbeɛ 22 Mayyu 2024

Tasemɣurt n Nobel n tsekla temmewc i Unurviji Jon Fosse.

Awerni umi temmewc tasemɣurt n tsekla n Nobel azzɣat i Tefransist Annie Ernaux. Temmewc aseggʷas-a i umungal d udramaturj anurviji Jon Fosse (64 n useggʷas).

Wcin tasemɣurt n tsekla (2023) lexmis-a i umungal, adramaturj anurviji Jon Fosse. Tessplika Takadimit taswidit astay-nnes s tira-nnes “ittwssigen d ustil-nnes ittwassnen s uminimalizem n Fosse“.

Bu 64 n useggʷas, temmewc-as tsemɣurt-a s “tmezgunin-nnes d triwant-nnes ismaynun i yewwcin ijjen ssut isebḥen”.

Ttwarin idlisen-nnes s “Nynursk”, iles n uɣelluy n Nnurvij i yella netta senni. Yura timezgunin, ungalen d idlisen i iḥudriyen. Iraren aṭṭas timezgunin n Jon Fosse deg Uruppa.

“Amari n tweḥdanit”
D ijjen udlis isebḥen, ɛawed d ijjen umari iknan. La di tira-nnes, axmi issanaf qaɛ aceddi (intrigue). Afrak ayenni iwweḍ ittcercur, aqqa-aneɣ deg ixarrisen, deg teykatin n wudmawen-nnes“. D aya i yeqqar Jean Mattern, ameqqran n tnefsarin Christian Bourgois, i yellan d anefsar n wungalen n Jon Fosse di Fransa, mani i yeqqar ila aɛawed n weḍbaɛ n lxedayem-nnes ayenni iwwḍent.

Nettaca aked uḥadi n Samuel Beckett deg uceddi-nnes, amek yenna Jean Mattern. “D amari n tweḥdanit, d amari i yesrusan iseqsan imitafizikiyen ijehden. D ijjen ḥajet tecna aṭṭas mamec ittemsurruf aked ixarrisen d tyekarin i yetteggen bnadem”.

tira bla asenqeḍ

Tira n Jon Fosse tteggent amxumbel n inni yalleh mamec bdan qqaren amezgun, minzi ittari tiwinas-nnes bla asenqeḍ. “Nec d amari n umezgun, maḥend ad iniɣ tidett, ɛemmer-s ma xseɣ ad iliɣ amenni”. Manaya i yenna netta deg ijjen wemsawal i kid-s ggin deg iseggusa n 90. “Ɣer-i nec, amezgun s ixef-nnes d ijjen furma n tẓuri n uminimalizem.”

Iraren timezgunin-nnes di Fransa d waṭṭas n tmura deg umaḍal.

Timaynutin

C.Andic
C.Andic
Chahid Andich

Fser-itt