Tefser-dd tabridt n tɣuriwin n Tmaziɣt di tɣiwant n Selwan ila yeggur ad tegg ijjen wass n tɣuri x ca n wammuden n yezlan i dd-yeffɣen aseggas-a di Arrif. Ammuden-a n tnayen zzag-sen n temɣarin am Ɛica Kurdi deg wammud-nnes « Tifras-nneɣ ». D Ḥayat Buterfas « Aẓuyyet » d wezlawi aḥudri Ḥalim Lmadani deg wammud-nnes « Addriwen n uẓuyyet ».
Amsagar-a i ɣa yilin ass n 08 yunyu zeg useggas-a i di nella. Ad dag-s ssemɣaren aselmad Ḥasan Benɛaqiya mamec ɣa ggen aṭṭas n yislmaden tisadafin-nnsen deg usentel n wass n tɣuri.