Le Rifain
Di tfuset n čamma n uḍar i yesmunen Real Madrid aked Deportivo Alavès, aɛecci n jjemɛa, terbeḥ Real Madrid s 2 n iɣulen. Amezwaru yegga-t Karim Benzima di ddqiqet wiss 11, wiss tnayen yegga-t Marco Assensio di ddqiqet wiss 51.
S rrbeḥ-a wanita, yuli Real Madrid ɣer 80 n tneqqiḍin, iɛeddu Barcelona s 4 n tneqqiḍin. Real Madrid yemneɛ ixf-nnes deg umezwaru n liga n Seppanya. Qqiment-as xemsa n tneqqiḍin zi tlata n tfassin i ɣa yirar aked yikipputen hewnen.