Abdessamad Zeryuḥi: ij n uḥenjir ɣer-s 5 n issegusa yewda deg ij n wanu deg-s 35 mitru n rallaɣ, di dcar umi qqaren Tamurut, deg iqlim n Waccawen.
Inebadden qqaren belli aḥenjir-a ɛad iddar, imɣatan ayenni mani iwden tqellabben a t-idd-ɣaten.
Imezdaɣ n ddcar-a d yenni s-dd-yunuden munen-dd ɣer wanu-ya ḥuma ad rajan min ɣa-imsaren. Tamsirt-a ɣer-s taynit d tanamurt di Lmeɣrib.
Ruxa aḥenjir-a, umi qqaren Rayan, aqqa-t innuɣ ca n 48 n tseɛɛatin deg wanu-ya (ttrata 1 Febrayer s uɛecci) . Tsuden-as uksijin deg wanu ḥuma wer ittjiyif. Imɣatan sewwaren-t s ij n tilifun i ɣer-s ssehwan s wesɣun. Ibidyuten-a mamalen belli Rayan ɛad i terra nnefs d ɛad ittenhezza. Aṭṭas n yewdan i yefsaren ibidyuten-a x tracciwin n wemsawad (social media).
Yuɛar a t-idd-ɣaten minzi anu-ya iḥsar aṭṭas. Ca n tnayen n twalatin shekkʷan ɣer-s ij n uterras ḥuma a t-idd-yejbed maca manaya wer dasen yeɛdir ca. S uyenni qqazen s ij n macina di teɛrurt idd-yunnuden i wanu-ya ḥuma ad ggen ifri manis t-idd-ɣa-ssufɣen.”