Deg ussan-a imeggura iẓra Nnaḍur ijjen ugeɛɛed d aɛeffan deg yinni ig ihelken s Kuruna. Yedwel sspiṭar n Lḥasani wer izemmer ad isnuju qqaɛ imehlak d imaynuten. Ɛawed wer izemmer ad igg ttist i merra inni ig imxellaṭen aked imehlak s Kuruna. Lɛamala n Nnaḍur, terr-d ẓẓeyyar d ubelleɛ x temdint maḥend ad tessenqes zeg imehlak.
Di lweqt d ijjen, iwdan merra rezzun x ubiṭamin n C d usafar n klurukin di Farmasiyat. Waxxa lux, iḍbiben n umaḍal ttwessan ad aggʷjen imehlak x uklurukin. Abiṭamin C idwel inqes aṭṭas ula d netta. Minzi tnayen-a n isufar sxeddamen-ten maḥend ad sgenfan imehlak s Kuruna.