Muḥemmed Xirddin (1941-1995) zeg imariten imeqqranen Imeɣrabiyen i yuran s Tefransist.
Ilul uzlawi d umari Xirddin deg ijjen ddcar qqaren-as « Aẓru n waḍu » iḍeffren i ubilaj n Tefrawt, jjihet n Tiznit. Twacunt-nnes telteɛ ɣer Kaza mani ɣa yeyma din netta. Ijja tɣuri, wer tt-ikemmel ca, ixdem deg ijjen tmedrawt n siɣuru zeg useggas n 1961 ar 1963 deg Ugadir, ula di Kaza. Deg useggas n 1964, igga aked Mestafa Naysaburi ijjen unhezzi qqaren-as « Poésie toute ».
Atlaε-nnes ɣer Fransa
Deg useggas n 1967 ijja lexdayem-nnes di Lmuɣrib, zegga ttuɣa ibda ifesser di tesɣunt n « les souffles », uca yetleɛ ɣer Paris, minzi ttuɣa icrec deg uɣewweɣ n imeḥḍaren ittwaggen aseggas n 1965 ḥuma ad yemsagar aked uɣewweɣ n imeḥḍaren di Mayyu n 1968 di Fransa.
Iwdan i t-yessnen semman x-as « Ajḍiḍ Aḥmaymi », iwweḍ ad yefser ij n tqessist-nnes aked ijjen tesɣunt tettwassen aṭṭas di Fransa, ibedd x-as ufilusuf ameqqran Jean Paul Sartre, taqessist n « ujellid » i yefser di « les temps modernes ».
Adwal-nnes ɣer Lmuɣrib
Deg useggas n 1979, tuẓa ɣer-s Fransa, idwel-dd ɣer Lmuɣrib zegga isseɛda ca n seṭṭac n iseggusa di Fransa d netta d aḍlib, iqqim di tmurt-nnes ar mani i t-yuɣa uxenzir di teɣmas-nnes uca immut di Rrbaṭ.
Tanfust-nnes aked tira
Ibda Muḥemmed ittari tiqessisin d netta ttuɣa ɛad d aḥudri, tuɣa ifesser tiqessisin-nnes di jjurnal n « La vigie Marocaine ». Tiqessisin-nnes ttuɣa ẓḍent x tebridt taklassikt s ijjen tefransist d tamezdagt. Deg iseggusa n settin ttuɣa-t zeg izlawiyen iḥudriyen i dd-ibanen di Lmuɣrib aked Taher Ben Jellun d Ɛebdelkbir Lxaṭibi. Merra ina ttuɣa unuḍen x Lleɛbi d tesɣunt-nnes « les souffles ».
Deg useggas n 1964 ad issufeɣ adlis-nnes amezwaru di London « aɣlillet d aberkan ». Deg useggas n 1967 tefser-as Seuil ungal-nnes umi qqaren « Agadir » i yura zegga ilqef unhezzi n tmurt tamdint n Agadir aseggas n 1960. Deg wungal-a a naf ijjen wezlawi, iqqim dag-s min iẓra amenni di temdint mani ila izeddeɣ. Zi senni, ibeda ifesser tiqessisin-nnes d wungalen-nnes.
Zegga i dd-idwel ɣer Lmuɣrin, issufeɣ-dd tlata n idlisen nniḍen, mamec ttuɣa ifesser ca n tqessisin ssa d ssa, Ungal-nnes ameggaru zegga ttuɣa yehlek qqaren-as « ttuɣa ijjen twalat ijjen tnayen hnan = il était une fois un vieux couple heureux » mani ttuɣa iqqaz deg wungal-a di ddcar-nnes di Sus, ittɛawad x tudert-nnsen.
Zi tira-nnes i yura:
Nausée noire, Aɣlillet d aberkan (tiqessisin) 1964
Le roi, agellid 1966
Agadir, Agadir 1967
Soleil arachnide, tfukt n artila 1969
Moi l’aigre, nec iqesḥen, 1970
Le Déterreur, ameqqaz 1973
Ce Maroc, Lmɣrib-a, 1975
Une odeur de Mantèque : rriḥet n mantik 1976
Une vie, un rêve, un peuple, toujours errants. tudert, turja d ijjen wegdud lebda iweḍḍer 1978
Résurrection des fleurs sauvages, alellec n tnewwacin n lexla 1981
Légende et vie d’Agounchich, tḥajit d tudert n Uguncic 1984
Il était une fois un vieux couple heureux, ḥajitkum x ijjen tnayen meklken, hnan 1993