Aselmad Ɛebdelmajid Lɛezzuzi yefser-d x Facebook, ila ikemmel asuɣel n wungal n “Aksum n ugenduz aburi” i yura Carleton Coon. Adlis-a issidef dag-s Carleton Stevens Coon ca n tmeslayin qqnent ɣer tesersiwt (thèse)-nnes i yegga x Arrif. Ungal-a wanita dag-s mayen xef yeɣra Coon di tessersiwt-nnes x tqebbal n Arrif. Ungal-a iggur ad dag-s yaf umeɣray aṭṭas n tmeslayin i yeqqnen ɣer tussna n Arrif d yidles-nnes. Ula kṭer ɣer mayen yeqqnen ɣer teqbilt n Igzennayen d teqebbal nniḍen.
Carleton Coon, netta d antrpulug d Amarikani. Ttuɣa yekka yezdeɣ deg Igzennayen di lexrif n useggʷas n 1926 ar tefsut n 1927. Mamec i d-dewlen netta d temɣart-nnes ɣer Arrif deg useggʷas n 1928. Σedbdemajid Lɛezzuzi, yeggur ad issuɣel ura ijen wungal-nnes nniḍen qqaren-as: “Arifi”. Ad issuɣel ula tasersiwt-nnes x tqebbal n Arrif.