Tenna tamunt Taburtuɣalit n tcamma n uḍar. Belli amirar n tcamma n uḍar Cristiano Ronlado ig ittiraren di Juventus Aṭalyan ileqf-it Kuruna. Tamunt Taburtuɣalit tenna belli lehlak n umirar-a yus-d zegg i das-izwar igga ijjen ttist. Uca ufin ila netta iksi abirus-a amaḍlan.
Tamunt twekked belli amirar wer izemmer ad icrek deg umsagar n tcamma n uḍar di Licbuna i ɣa yilin aked Sswid. Tenna ɛawed ila qa Ronaldo waxxa dag-s Kuruna maca netta qaɛ wer dag-s izumal-nnes. Maca lux aqa-t ibelleɛ x yixef-nnes. Afsar-a n lehlak n Ronaldo yus-d yumayen awerni umi ig icrek deg ijjen umsagar kunṭra i Fransa. Maci ɣir manaya waha, maca qa nnutilat ig iɛlem Ronaldo, umi qqarent CR7, ufin dag-sent abarru n yiwdan ig iksin abirus n Kuruna. S manaya, iger n usari deg Uruppa d umaḍal amen yekmel inḍar s waṭṭas.