Aṭṭas zi mani, rezzun imussnawen x temrarut n useqsi-ya: Mamec ittegg iles i nessawal ittejja later di tebridt i zi nettpinsar? Lexxu, kumasan imussnawen ttakkʷaḍen ad fehmen mamec.
Zi temẓi, lemmden iwdan ca n iles, wenn i nnumen tteslan-as zeg wami i d-lulen. Ayenni, ittas-d amenni waha, zi senni beddan sxeddamen iwalen d twinas ḥma ad d-nesbadu amaḍal i daneɣ-d-yunuḍen, zi senni ad d-nessiwel x ixarrisen-nneɣ. Maca aqqa iwalen, s ixef-nnsen, zemmren ad jjen later di mamec nettwala amaḍal, d mamec nettegg timeslayin.
Ixdem x teṭyurit-a ijjen umesniles qqaren-as Benjamine Lee Whorf di 1956, yegga-as i yisem “Tipuṭiset n tmasseɣt tasnilest“. Awern-as, bdan rezzun di manaya di tesnilest, tapsikulujit d tussniwin n lɛasab.
Jjehd n wawal!
Ma ittazzel wakud x ufilu ibedden am tiddi niɣ wenn iruḥen ibuṭṭeḥ? Iqseḥ ad awem-nini … Maca iqqar Whorf “S wawalen i zi nzemmer a nefhem”. Aṭṭas n tɣuriwin i yettwaggen s Tegnlizit d Tmandarint mmalen-aneɣ-d ila tamrarut x yiles-a teqqen ɣer yiles i zi nessawal. Sxeddamen Ineglinzufuniyen awal n back, deffer, ḥma ad ssiwlen x min yeɛdan, niɣ fornt, wudem n zzat, ḥma ad ssiwlen x yiḍa. Mamec i yettwalan akud? Am ijjen ufilu iraḥ ibbuṭṭeḥ. Zeg uɣezdis-nneḍni, tesxeddam Tamandarit ca n wawalen s tiddi ibedden, ameknaw Sha’ng (sennej) d Xia’ (swadday).
Iwa Icinwiyen, ttwalan akud am ijjen ufilu ibedden. S uya iles, wer ittbeddil ca ḥa tmuɣli-nneɣ ɣer wakud waha, maca ittbeddal ula d amkan, anhezzi… Mamec ittbeddal ula mamec nettwala ikuluriten! Di Tegrikt ɣer-neɣ tnayen n wawalen ḥma ad nesbadu aḥmaymi ifetḥen d wenni iḥedqen: ghalazio d ble. Iwa ddegg-a n ubeṭṭu wer yelli ca di Tenglinzit. Ijjen tɣuri i yettwaggen deg 2009 temmal-d ila Igrikiyen ḥwen x-asen ad bḍan beṭṭu n uḥmaymi kter zeg Ineglinziyen.
Ixess alli ḥma ad tesled i tmandarint
Maca aqqa beṭṭu i din jer tnayen n yelsawen wer d-itteqqim ca deg usexdem n wawalen waha. Jer n 7000 n yelsawen i yessawalen midden ass-a, kul ijjen zzag-sen ɣer-s tuskiwin-nnes d tefras-nnes imsebḍan. Ameknaw n manaya, ijjen ubeṭṭu jer Tamandarint d Tenglinzit nettaf ila amezwaru d ijjen iles ibedden x tniɣt, maci am Tenglinzit.
Manaya ixes ad yini ila tniɣt n bnadem tettbeddal lmeɛna di Tmandarint. Ijjen tɣuri i yettwaggen deg useggʷas n 2015 temmal ila tiẓuratin (asemẓi n iẓuran) n walli n wenn issawalen tamandarint msebḍant inglufuniyen. Ḥma ad tessnem, aqqa din isariten (circuits) d iraqqen deg walli ittwadenna x-asen afham n yilsawen. Ina neqqar x-asen iraqqen n Broca d Wernicke, raq-a innḍefsen aqqa-t zzat i walli.
Maca ɣer Imandarinufunen xmi tteslan i wawal s yiles-nnsen, xenni tiẓuratin-nni i yellan jar iraqqen n walli ttilint d timiriwin kṭer d wemsawaḍ jar uzgen aẓelmaḍ d ufusi n walli i yettili s lhimmet-nnes kṭer.
“Mala ɣer-k ijjen yiles-nneḍni, axmi ɣer-k buḥbel-nneɣni.”
Ɛawed aqqa yiles i nessawal ittejjar later x ccexsiya n bnadem. Ijjen wawal i ttuɣa yettunuḍen zi lɛahed n Charlemange i yeqqaren ila “mala ɣer-k ijjen yiles-nneḍi, axmi ɣer-k buḥbel-nneɣni.
Azgen ameqqran n trezzutin i yettwaggen deg yiger n isinilsawen (bilingues) min xef ggin ijjen ttist s tnayen n yilsawen i yessawalen. Di tɣuri-nni i yettwaggen di 2013 temmel-d mliḥ ila iwdan i yessawalen Talimant d Tespanyut tamrarut-nnsen ttuɣa temsebḍa i ttist n ccexsiya alaḥsab iles i zi ttarin.
Ispanufuniyen rrin-d waṭṭas n tiriwt, wessɛen aṭṭas maca Ilimanufuniyen ttuɣa timrarutin-nnsen knint aṭṭas.
Tira n : Camilla de Fazio, asit : loctopusjournal.fr