Le Rifain
Yenna Ḥmed Zzefzafi, baba-s n unecraf asertan Naser Zzefzafi, deg yijjen live di leḥsab-nnes di facebook, belli Naser ttuɣa yesseched, safi ttuɣa ɛlayen iruḥ. Ḥmed Zzefzafi yessiweḍ-dd tabrat n mmi-s, yenna deg-s belli ittqada merra inni i kid-s ibedden, amen ittqada ɛawed iḍbiben i t-isellken zi lmewt.
Naser Zzefzafi, ɛlaḥsab min dd-iɛawed baba-s, ttuɣa yewḍa ɣer tmurt, ttuɣa ittraja ɣir ad yemmet. Tenqes zeg-s 16 kilu, Nabil Aḥemjiq ula d netta tenqes zeg-s 15 kilu.
Yenna Ḥmed Zzefzafi belli inecraf sbedden tikkest x macca zegga i dasen qeblen min ttuɣa ttettren.
Lḥaki ula d netta yesbedd tikkest x macca, yenna-dd Ɛizi Ḥmed belli yessiwel-dd aked weltma-s, tesseɛdu-yas-t yessiwel akid-s.
Maca ɛlaḥsab min tenna W.Lɛejjuri deg yijjen tzemmemt-nnes di facebook; anekraf asertan Muḥemmed Buhennus di lḥebs n selwan ɛad wer yekkis x macca.