Deg uneqqis wanita iggur a nessen aṭṭas n istatistiken i yeqqnen ɣer social media. Imken nnumrawat-a i da ɣa newwec ad aneɣ-jjen a nɛawed lxezrat-nneɣ di mamec nessexdam ddegg-a n imassen i daneɣ-ittacren tiseɛɛatin zeg wussan-nneɣ s ijjen tebridt wer zzag-s nettici ila ad yedwel d tidet.
Istatistiken s umata
Maḥend a nari aneqqis-a wa, nbedd x tlata n taliwin, d amezwaru d « data reportal » d « Status brew » d « broaband search ». Istatistiken n tala tamezwarut d jjdid ɛad, minzi ttɛeqqaben ɣer Yulyuz n useggas-a wa, mani istatistiken n tala tis snat ttɛeqqaben ɣer Mars n useggas-a zeg useggas-a. Ḥaca, tala tis tlata, qqaren qa n useggas-a maca wer dd-ggin ca man char nican.
- Azgen n imezdaɣ n umaḍal lexxu, ittakkʷaḍen ɣer 7.87 melyar, sxeddamen imassen n Social media
- 4.80 melyar deg umaḍal sxedmen internit ar Yulyuz n 2021. Ittsemma danita mmernin 316 n imelyunen (7.3%) x nnumru i ttuɣa yellan azzɣat di lweqt-a s ixef-nnes. Lux ttakkʷaḍen ar 60.9% zeg imezdaɣ n dduniyt.
- 4.48 melyar n yewdan sxeddamen imassen n social media (alaḥsab istatistiken n yulyuz 2021), lux inni isxeddamen social media ttakkʷaḍen ar 56.8% zeg imezdaɣ n umaḍal.
- 520 melyun d jjdid i dd-immernin bac ad sxedmen social media zeg useggas i yeɛdan.
- Nnumrawat-a xsen ad inin ila 9 n yewdan zi 10, sxeddamen imassen n social media kul cher.
- Kul bnadem ɣer-s tesɛa n leḥsabat deg imassen msebḍan.
- Kul bnadem isxeddam mala walu 6.6 n imassen msebḍan n social media, ittekk tnayen n tseɛɛatin d uzgen d netta isxeddam ddegg-a n imassen n social media kul ass
- 91% zzag-sen ttkuniktan-dd zi ttilifuwat-nnsen.
- Mala nekker nessen ila iwdan teṭṭsen jar sebɛa d tmenya n tseɛɛatin kul nnhar, danita nettaf ila 15% n tudert-nnec i tfaqqed, tessɛeddi-tt deg imassen n wemsawaḍ.
- Amaḍal amen yekmel ittekk 10 n melyar n tseɛɛatin d netta isxeddam imassen n social media. Manaya ixes ad yini 1.2 melyun n useggas zeg wami llan iwdan.
Nnumrawat n Insexdamen
Danita yeggur a newwec nnumrawat n insexdamen imeggayen kul char deg imassen n social media alaḥsab istatistiken n 18 yulyuz 2021 :
- Facebook : 2.85 melyar n unsexdam kul cher
- Youtube : 2.29 melyar n unsexdam kul cher
- Whatsapp : 2.00 melyar n unsexdam kul char
- Intstagram : 1.38 n melyar n unsexdam kul char
- Facebook Messanger : 1.30 melyar n unsexdam kul char.
- Tik tok : 732 melyun n unsexdam kul char
- Telegram : 550 melyun unsexdam kul char
- Snap Chat : 514 melyun n unsexdam kul char
- Pinterest : 478 melyun n unsexdam kul char
- Tiwter : 397 melyun n unsexdam kul char
- We Chat : (igga ameknaw Whatsapp sxeddamen-t Icinwiyen) 1.24 melyar n unsexdam kul char
- Sina Wibu (Igga ameknaw Twiter sxeddamen-t Icninwiyen) 530 melyun unsexdam kul char
- Kyu Kyu (igga ameknaw Messanger sxeddamen-t Icinwiyen) 606 melyun n unsexdam kul char
Istatistiken n Facebook 2021
- umi dag-s 2.85 n unsexdam, ittwaḥsab Facebook netta i yellan d agellid n imassen n social media.
- Facebook d asit wis tlata ɣer ttadfen iwdan awerni Google d Youtube.
- D App wis tnayen i dd-sekkʷan aṭṭas iwdan x tilifunat-nnsen. Messanger ittas-d wis sebɛa.
- Lhind d ddewla tameqqrant i sxeddamen imezdaɣ-nnes Facebook ; 230 melyun i dag-s ittkunikṭan.
- 35 n tminutin i yettekken insexdamen n Facebook kul ass.
- Di cchar, kul ijjen ittegg 12 n laykat, mamec ittkumunṭa rebɛa n twalatin.
- Ansexdam n Facebook itteklika x 12 ussusen n arriklam.
Istatistiken n Youtube 2021
- Ttfurrujen insexdamen di 500 melyar n uvidyu x Youtube ; ttɣasṭaren dag-s melyar n tseɛɛatin n ividyawen n Youtube kul nnhar.
- 400 n tseɛɛatin n uvidyu i sgeɛɛaden di Youtube kul tminut.
- 1.3 melyar n midden sxeddamen Youtube kul twalat.
- insexdamen n Youtube ttekken-dd dag-s 40 n tminutin kul ass.
Istatistiken n Instagram 2021
- 1.38 melyar n midden isxeddamen Instagram.
- 500 melyun zzag-s ig ittadfen kul ass.
- 23% zzag-sen ig ittfaɛalen aked ifuṭuten mala nesmqudda-t aked Facebook.
- 70% n insexdamen n Instagram rezzun x titrit-nni n tsebbabt
- 130 melyun zeg inni isxeddamen instagram tteklikan x arriklam.
- Ayt instagram ttɣasṭaren dag-s azgen n tseɛɛet kul ass
Imassen n Social media d tala n ineɣmisen ?
di ca n istatistiken d imaḍlanen ; ha aqqa yenni i yeqqaren qa sxeddamen social media bac ad ssnen min ittuqiɛen deg umaḍal :
- Facebook 44%
- Youtube 29%
- Whatsapp 23%
- Instagram 23%
- Twiter 15%
- Messanger 12%
- Telegram 6%
- Tiktok 4%
- Linked in 4%
- Snap chat 2%
tala: Aljazeera