Ijjen tɣuri tegg-it ijjen tseḍma d Tameɣrabit i yeqqnen ɣer tussna n lebḥer. Tufa qa din ijjen « tḥaryaḍt n lebḥer » (Gyre) di lebḥer n uburan, zzat i Lḥusima.
Asaḍuf n lebḥer di Lḥusima i iḍeffren i usenfar n temɛawant « Odyssea » i tegga tamunt Tawruppawit. S twiza aked furisti d usinag anamur n trezzut di tyemra n lebḥer d tesdawit n Ɛebdelmalek Sseɛdi. Ina merra ḍelqen di Nwanbir i yeɛdan ijj n macina i zi messḥen lebḥer (Glider). Tzemmer ad teɛber iferdisen ikimawiyen n waman n lebḥer, am leḥmu d tmellaḥt. D cḥar i yellan n Plantkun d plastik deg waman, lxedmet-a tekka xirebbi n simanat.
Tewca taseḍma tamassant, simana-ya ijjen wartikel d amassan x mani iwwḍen di trezzutin-nsen i yettwaggen di twalat tamezwarut deg yeffus n umiditirani. Aya, yus-d deg wegraw n ssistim Awruppawi i uḥeṭṭu n lebḥurat deg umaḍal (EuroGoos). S temccarcut n waṭṭas n imussnawen d inni ig ixeddmen deg ilaburatwaren n lebḥer Iwrappawiyen imaḍlanen.
Lḥusin Nibani, bab n tɣuri-ya, yenna ila qa d ta d twalat tamezwarut i di ɣa nessen ila qa din ijjen tḥeryaḍt n lebḥer deg Uburan. Wa d Afinumin i ttuɣa dd-ḥeṭṭan zi ssatilit waha. tɣuri-ya tewweḍ ɣer waṭṭas n ineɣmisen deg wansakud (espace-temps) n leḥmu d lemleḥ n lebḥer, tnayen-a n tmeslayin i daneɣ-ittejjan tiḥeryaḍin n lebḥer.
Taḥeryaḍt i yellan di Lḥusima tessizdig aman n watlanṭik i dd-ittasen zi tizi n Gibralṭar. Uca tbeṭṭa aman x jjihet uɣelluy n umiditirani i yellan yeḥma, d amellaḥ kṭer zeg waṭlantik.
Nibani yenna i La map, ila aqqa leɛbar i tegga macina n Glider tewta ar 500 mitru s nnej i waman, tenna ila aqqa taḥeryaḍt-nni tewta di lallaɣ n uburan, mani ssatilit ttuɣa immal-d udem-nnes n s nnej waha.
Γer εawed: Asaray anamur n Lḥusima.. Amsagar n d waman ixeṭṭfen tiṭṭawin