Tlata n Glizyat (lkanisat) yeqqnen ɣa Glizya taumanit takatulikt swizant akd tamunt n usellek di lebḥer “Sea‑Eye”. Tinɛacin-a a zzag-sent ɛawnen maḥend ad rnin aɣarrabu wiss arbɛa aseggʷas‑a di lebḥar acemlal (Mediterranean). Tamsmunt‑a tiwwed ad ssenjem 15.000 n yewdan zeg uɣraq.
“Seahttps://sea-eye.org/‑Eye” nettat d ijjen tmesmunt zi temdint n Regensburg, ɣer‑s iɣaruba tsellak zzag‑sn imenneɛraq iɣarrqen di lɣebḥar n wagrakal. Glizyat tarumanit takatulikt n München-Freising, Paderborn d Trier, swizant akd tmesmunt-a s 125.000€. d manaya i tenna Tmesmunt “Sea-Eye” di Lexmis yeɛdan.
Tinɛacin‑a a zzag‑sent ssuguren aɣarrabu n “Sea‑eye 4” akd beddu n tefsut di lebḥar acemlal. I yenna Gorden Isler ixf n tmesmunt. Wa d aɣarrabu wiss arbɛa ɣer‑sen ɣa yilin di lebḥar acemlal ad itsellak iwdan din iɣarrqen. S iɣarruba “Sea‑Eye”, “Alan Kurdi” tebda tmesmunt lxedmet deg 2015, tiwwed ad tssenjem ktar zi 15.000 n yedwan zi lmewt.
Tamesmunt n Sea‑Eye yettwagg‑as dsas deg 2015 di temdint n Regensburg. Swizan dag‑s ktar 1000 n yewdan, ḥima ad sellken iwdan wer ten itett lebḥar. Iɣarruba‑nsen wejjden di lebḥar n jar Libya d Malta/Grik (lyunan)
