Lmujet wiss 2 n Covid-19 deg Uruppa, tejja lḥukumat ad ggent cwayt n zziyar. Mkul tammurt cḥar teqqen. Ama takmant, Marra ggint uɣir, di ssekwilat, d mani tmunen yewdan s waṭṭas.
Biljik
Beljik dag-s i tegga Corona fuleɛleɛ. ktar zi tmura n uruppa marra. di 14 n wussan 1735 imehlak di mkul100.000 imezdaɣ.
Zeg ass n letnayn, bdant 6 n simanat n Lockdown (Abelleɛ). Mjn yellan labud ad yeqqim yarzem wah am Farmasiyya, d tiḥuna n macca wer itbelliɛen. Ca n imukan dag-sen memnuɛ ufuɣ awarni 22:00.
Amsagar akd ijjen bnadm waha di simana mala wer zdiɣen jmiɛ. wenni izdɣen weḥdes ad imsagar akd 2 n yewdan
Aliman.
2 nuqenber bdan 9 n wussan n zziyyar deg uliman: di barra ttemsagarn imezdaɣ n 2 n tudrin waha. Iḥemmasen d leqhawi d lbiran d sini d tudrin n umezgun d marra mani sɛeddan iwdan lweqt ibellɛ. Turist wer tnusen. Hutilat qqimen arzmen iyxeddamen waha.
Fransa
Fransa tebda zik i zziyyar. Abelleɛ n tidet, ufuɣ tseɛɛet waha deg wass. wenni ɣa yeffɣen wer itagʷej Kilumit x taddart. Amsagar di twacunin waha. Lexdayem d tɣuri zi tudrin waha. Qqent ɣir farmasiyat d tḥuna n macca d min itteḥwaja utarras labud zzag-s.
Hulanda
Zi lwest n Ktuber Holanda tziyyar x umsagar. Di taddart wer tsɛeddid 3 n inewjiwen deg Ass. Di barra tmunt wer tɛeddi 4. Niɣ imezdaɣ n ijjen taddart
Seppanya
Seppania melmi idd-yedher belli cɣel-a ad yawi lweqt. Abarlaman yerni di zziyyar ar cehar n Mayyu. aṭṭas n imukan ad bellɛen nican tnayn n simanat. Di Madrid sxsyen anhezzi di simamat yeɛdan