Imken lux aqqa tettseqsid, teqqared-as min ixes ad yini asinyi x ijjen umestfaq d jjdid di cop26 ittwaggen di Glasgaw di beddu n wayur-a wa. Danita i iggur a nemmel mamec yeggur amestfaq-nni ad ibeddel zi tudert-nnec/m zi ssa d usawen.
Abdeddel di tebridt i zi neggur
D amezwaru ataf iggur a nesxeddam ḥa ṭṭumubinat n ttrisinti waha, d wa zeg ibeddilen i ɣa yuqɛen di tudert-nneɣ.
Imrezzuten qqaren ila ttaman i ɣa teswa ṭṭumubin n ttrisinti d wenni d ttaman s ixef-nnes i tsekkʷa ijj n ṭṭumubin txeddem s lisans niɣ s maẓuṭ di xemsa iseggusa i d-igguren.
Nzemmer a necra ijjen ṭṭumubin n tfawt, qa din ijjen ssuq ḥa min ittraḥ ittmernay n ṭṭumubinat ittwasxedmen, zemmrent ad ilint rexsent kṭer.
Aṭṭas n tmura d temnaḍin d fabrikat n ṭṭumubinat renyent deg usexdem n ṭṭumubinat n tfawt, ad d-awyent lkiran d ikamyuten d jjdid i wer issufuɣen ca ddxaxen.
Ca zzag-sen, ssawalen x manaya, qqaren qa neccin neḥwaj drus n ṭṭumubinat deg yebriden, nzemmer a nugur niɣ a nennay x backliṭat ḥsen qqaɛ.
Abeddel x umsedder aked twennaḍt
kṭer zi 40 n tmurt i isinyan bac ad kksen asexdem n lefḥem.
D tina d timura i yenna ɛawed ila iggur ad beddent x ijen yinirji d amezdag bac ad nessiḥma tudrin-nneɣ d ibiruten n lxedmet-nneɣ.
I ca n tmura ameknaw Tajelda Imunen (UK) manaya ixes ad yini d lxedmet bac ad tbedd x taliwin (sources) n yinirji n jjdid ameknaw “aḍu d tfukt”, niɣ ad bedden x yinirji anawawi kṭer.
Maca COP26 wer dag-s bu ca n ḥajet i ɣa ijjen inni isxeddamen lefḥem aṭṭas ameknaw Lhend d Ccinwa ad kksen x usexdem-nnes.
Waxxa amenni din ij n ustiem iffeɣ-d zi Glasgaw, ataɣ timura ad ssersent ttmenyat-nnsent deg yinirji amezdag.
Tudrin-nneɣ ad dewlent d timeddukal n twennaḍt
Zemmrent tifelwin n tfukt ad ilint lebda x tzeɣwin n tudrin-nneɣ.
Mamec i ɣa nebna tudrin s ca n tmeslayin bla ttsimma, wer dag-sent bu akarbun aṭṭas. Mamec ataf nzemmer a nedwel a neɛdel tudrin-nneɣ tiqdimin.
Lux midden xeddmen bac ad xezren mamec abeddel n uklima i d-igguren wer ittḍerri ca aṭṭas n midden.
Nzemmer a nessemɣer zeg isayraren izegzawen (espaces) di tudrin-nneɣ, bac ad ẓemment anẓar i ɣa iwten s waṭṭas, mamec ɣa nrekkeb « tizeɣwin d tisemmaḍin » i ɣa ibedden deg wudem n tfuyin niɣ tiburjatin qesḥent zzat i yessmiḍen i ɣa yilin.
Isayraren iriwin i tuzzegzewt
Di cop 26 ila ssawalen x mamec zemmren ad dd-rren i twennaḍt d tuzzegzewt amkan-nnes bac ad tbedd deg wudem n ubeddel n ukilma. Ataf nzemmer a nẓer lfaydet n isayraren-a izegzawen deg ibilajen-nneɣ d ledcur-nneɣ.
Emily i yellan d taselmadt di tesdawit n Cambridge teqqar « Agama (nature) izemmer a daneɣ-iɛawen mala nemsurruf akid-s s uweqqer i istahell ».
Mamec imḍebbren qa tteggen tizemmar bac ad ḥḍan tawennaḍt d leɣwabi ad jjen agama ad ilellec kṭer.
Macca a tili teɣla kṭer
Imḍebbren ataf ad xedmen bac ad qeḍɛen aked tikkest n leɣwabi deg uɣezdis n yeffus zeg umaḍal, minzi timura n lɣabet tteẓẓunt dag-sent ca n tmeslayin i ttɣastaren midden deg iẓẓelmeḍ. Manaya imken ad ikkes aked macca irexsen.
100 n tmura sinyant bac ad beddent deg wudem n inni ittqessasen leɣwabi.
A nbeddel di tebridt n uxarres-nneɣ ?
Abeddel n uklima iggur ad ijj aṭṭas n midden ad beddlen di tebridt n mamec ttwalan tuzzegzewt. Mala yeɛda leḥmu 1.5 ataf manayenni izemmer ad igg ca n tmeslayin d tiɛeffanin wer nessin mani zemmrent ad awḍent qaɛ.
Maca mala nweqqer agama kṭer, ataf a ɣer-neɣ ilin izubaq d imezdag, wer dag-sent bu aṭṭas n ẓẓga.
Lux, amaḍal ittemkabar bac wer rennyen ca ca n igazen nniḍen deg ujenna, ittsemma ad kksen asufeɣ n ugaz.