Yalleh yebda uzemmem iḍennaḍ n letnayen 16 zi ɣuct di lintixabat, issers Muḥemmed Abarcan ddussi-nnes bac ad irecceḥ netta s umulli n Littiḥad ayctiraki (USFP). Di jjihet n Ddriwec nettaf Lfaḍili Muḥemmed i yellan zeg iqdimen n Lḥaraka cceɛbiya (MP). D netta issersen ddussi-nnes amezwaru. Yeḍfar-it-id Mesṭafa Lxelfiwi zi (PAM) d inniḍen.
Aseggas-a, aṭṭas n imeḍfaren ttwalan belli ad yemsar ij n wemḥizwar d ameqqran jar iqdimen i yennumen ttgeɛɛaden-dd. D imaynuten i yettxsen ad ṭṭfen amkan-nnsen di twalat tamezwarut deg wazzareg asertan di Arrif.
Iḥudriyen la d nitni ssidfen ixef-nnsen di lintixabat, ameknaw lxedmet i tettegg « Wah, nzemmar » di Nnaḍur. Nettaf ɛawed ca n iḥudriyen-nniḍen i ittexsen ad ttreccḥen di teyrawin-nnsen, ttexsen ad adfen ɣer iseqqimen i yellan deg ibiljan-nnsen.