Deg wass n ssebt 05 yunyu zeg useggas-a, ad ittwagg ijjen wemsagar di temdint n Nnaḍur i ɣa yilin deg wuṭil n Mirkur. Amsagar-a ad ittwagg x lxedmet n ikabiniten (cabinets) izerfanen deg uḥeṭṭu n tseqqar d usnekker zzag-sen.
Asugur n umelqi-ya ad t-igg Musṭafa Qurayci i yellan d aselmad n uzref amessugur di tɣiwant n Nnaḍur. Mamec i dag-s ɣa cerken aṭṭas n iselmaden ameknaw Muḥemmed Sseɛdi i ɣa issiwlen x min “xsen ad inin ikabiniten-a d imassen-nnsen d iklussay-nnsen“. Akid-s ad iwwec awal Mḥemmed Lɛisawi ɣa isserɣen tifawin x “useqseḥ d ufars n tussna n tseqqar n wefgan”.
S uɛecci-nni, aṭṭas n iselmaden kul ij n zzag-sen ad issiwel x ikabiniten i yellan di tneddam nniḍen. Ameknaw Rrbaṭ, Wejda, Fas d Nnaḍur. Manaya ad yili s yiles n Muḥemmed Lmuḥemmadi, Huda Rrami, Saɛid Bekkuri d Basma Akbar.
Amsagar-a i ɣa yegg ufurum n Wenwal ittas-d ḥuma ad issemɣer, ad isseqseḥ zi tussna n tseqqar n wefgan di Arrif.